Am Rootä Tisch
Ainä chunnt fascht immer
Diä andr – diä chunnt niä
Aini chunnt mit em nyywä Schatz
Und ds Vreeni isch äü hiä
Diä aintä cheemet mit Famiili
Und mängä trüüwet gar nit z’cho
Zwee Jungi lüäget nur churz innä
Und mäinet: «z’alt sint diä – aber scho»
Ä Schwuulä sitzt tätsch näbni Lesbä
S’het Platz fir jeedi und fir jeedä
S’verliit ä dummä Schpruch – was sell’s
Wäg dem bisch de nit grad ä Pleedä
Mä sitzt und süüfft, plagiärt und loost
Diä aint chat schnuurä – dr ander schwiigt
Äs Piär, äs Tee, äs Gleesäli Wyy
Dr aint het rächt, dr ander liiggt
Chasch äifach cho und mitparliärä
S’isch bsunders, aber s’isch wiä’s isch
Ä bitzli rot setsch aber scho syy
A yyserem Rootä Tisch
Freitag, 03. Februar 2023, ab 18 Uhr im Fomaz
Herzlinks Vic
